عظمیٰ بخاری کی جعلی ویڈیو کیس میں عدالت ایف آئی اے رپورٹس پر برہم

لاہور(پی پی آئی)لاہور ہائی کورٹ نے عظمیٰ بخاری کی جعلی ویڈیو کے خلاف کارروائی کی درخواست پر اپنے ریمارکس میں کہا ہے کہ شہری راضی نامہ کر لیتے ہیں اور کیسز آ گے نہیں چلتے ہیں۔ پی پی آئی کے مطابق  لاہور ہائی کورٹ میں عظمیٰ بخاری کی جعلی ویڈیو کے خلاف کارروائی کی درخواست پر چیف جسٹس لاہور ہائی کورٹ، جسٹس عالیہ نیلم نے سماعت کی،چیف جسٹس عالیہ نیلم نے ایف آئی اے کی جانب سے جمع کرائی گئی رپورٹس پر ناراضی کا اظہار کرتے ہوئے استفسار کیا کہ آپ عدالت کو بتا دیں کہ آپ تفتیش کر سکتے ہیں یا نہیں؟ ہم کسی اور کو تفتیش کی ہدایت کر دیتے ہیں، عدالت اس کیس کو انتظار میں رکھ رہی ہے، آپ مشورہ کر کے عدالت کو بتا دیں۔