پختونخوا کی حکومت نااہل اور نکمی ہے: فیصل کریم کنڈی

 پشاور(پی پی آئی)گورنر خیبر پختونخوا فیصل کریم کنڈی نے کہا ہے کہ کے پی حکومت نااہل اور نکمی ہے، وزیراعلیٰ علی امین گنڈا پور کو برادرانہ طور پر اعتماد کے ووٹ کا مشورہ دیا تھا،سرکاری طور پر نہیں۔ پی پی آئی کے مطابق اپنے بیان میں فیصل کریم کنڈی کا کہنا تھا کہ یہ خود نکمے، نااہل اور ناکام ہیں، اتنے میں نے کپڑے تبدیل نہیں کیے جتنے ان کی کابینہ کے لوگ تبدیل ہوگئے ہیں، وزیراعلیٰ کو اچھی ٹیم کا انتخاب کرنا چاہیے تھا لیکن ٹیم کا کپتان ہی نااہل ہے۔انہوں نے مزید کہا کہ یہاں ٹرانسفر پوسٹنگز،فنانس بل،سیکرٹریز کی پوسٹنگز پر پیسے لیے جاتے ہیں، ان کا بلین ٹری منصوبہ کہاں ہے؟ ٹمبر مافیا سے مل کر انہوں نے درخت بیچ دیئے۔