بڑھتی قیمتوں کی وجہ سے سونے کی درآمدات میں بڑی کمی

کراچی (پی پی آئی)عالمی مارکیٹ میں بڑھتی قیمتوں کی وجہ سے سونے کی درآمدات میں بڑی کمی ریکارڈ کی گئی ہے۔سرکاری دستاویز کے مطابق سونے کی درآمد سالانہ 41.64 فی صد کمی ریکارڈ کی گئی ہے، اگست میں پاکستانی امپورٹرز نے صرف 22 کلو سونا درآمد کیا جس کا درآمدی بل 17 لاکھ 42 ہزار ڈالر رہا۔پی پی آئی کے مطابق گزشتہ مالی سال اگست میں 47 کلو سونا درآمد کیا گیا تھا، جس کا درآمدی بل 29 لاکھ 85 ہزار ڈالر تھا، جولائی کی نسبت اگست میں سونا 10 کلو کم درآمد کیا گیا۔اعداد وشمار کے مطابق رواں مالی سال 2 ماہ میں سونے کا درآمدی بل 39 لاکھ 38 ہزار ڈالر ریکارڈ کیا گیا جو گزشتہ مالی سال کے اسی عرصے میں 77 کلو سونا درآمد کیا گیا تھا۔واضح رہے کہ گزشتہ دو ماہ کے دوران عالمی مارکیٹ کے زیر اثر پاکستان میں فی تولہ سونے کی قیمت میں 20 ہزار روپے سے زائد کا اضافہ دیکھا گیا ہے۔