راولپنڈی احتجاج کی تمام تر تیاریاں مکمل، عوام کا ٹھاٹھیں مارتا سمندر راولپنڈی سے ٹکرائے گا:بیرسٹر سیف

پشاور(پی پی آئی) خیبر پختونخوا کے مشیر اطلاعات بیرسٹر سیف نے کہا ہے کہ بانی پی ٹی آئی عمران خان کی رہائی کا فیصلہ کن معرکہ شروع ہو چکا ہے۔پی پی آئی کے مطابق بیرسٹر سیف نے کہا کہ راولپنڈی احتجاج کے لئے تمام تر تیاریاں مکمل ہیں، عوام کا ٹھاٹھیں مارتا سمندر علی امین گنڈا پور کی سربراہی میں راولپنڈی سے ٹکرائے گا۔ان کا کہنا تھا کہ پرامن احتجاج ریکارڈ کرانے جا رہے ہیں، راج کماری مریم نواز پولیس گردی کی کوشش نہ کریں بصورت دیگر پورا پاکستان سڑکوں پر ہو گا۔انہوں نے مزید کہا کہ جعلی مقدمات اور فارم 47 کی جعلی حکومت کیخاتمے تک احتجاج کا سلسلہ جاری رہے گا۔