کار ساز حادثہ کیس کی ملزمہ نتاشا کی منشیات مقدمہ میں بھی ضمانت منظور

کراچی (پی پی آئی)سندھ ہائیکورٹ نے کراچی کے علاقے کارساز میں پیش آنے والے حادثے کی مرکزی ملزمہ نتاشا  کی انسدادِ منشیات کے مقدمے میں بھی ضمانت منظور کر لی۔سندھ ہائیکورٹ میں ملزمہ نتاشا  کی جانب سے انسدادِ منشیات کے مقدمے میں ضمانت کے لیے دائر کی گئی درخواست پر سماعت ہوئی۔ عدالت نے ملزمہ نتاشا  کو 10 لاکھ روپے کے مچلکے جمع کرانے کا حکم دیا۔پی پی آئی کے مطابق 19 اگست کو کارساز روڈ پر تیز رفتار گاڑی راہگیروں پر چڑھ دوڑی تھی، حادثے میں باپ بیٹی جاں بحق اور 4 افراد زخمی ہو گئے تھے جبکہ پولیس نے گاڑی چلانے والی خاتون نتاشا  کو گرفتار کر لیا تھا۔