بلوچستان میں 3 ہزار 700 اسکولز اساتذہ کی عدم دستیابی کے باعث بند

کوئٹہ(پی پی آئی)بلوچستان حکومت نے صوبے کے 3 ہزار 700 غیر فعال اسکولوں کو کھولنے کا فیصلہ کر لیا۔محکمہ تعلیم بلوچستان کے مطابق یہ اسکولز اساتذہ کی عدم دستیابی کے باعث بند ہیں۔ تاہم اب محکمہ تعلیم اساتذہ کو کنٹریکٹ پر بھرتی کرے گا۔پی پی آئی کے مطابق اساتذہ کی بھرتی ہر ضلع میں ڈپٹی کمشنر کی زیر نگرانی کمیٹی کرے گی۔حکام کا کہنا ہے کہ پشین اور آواران میں 40 بند اسکولوں کو کھولنے میں کامیابی حاصل کر لی ہے۔واضح رہے کہ بلوچستان کے  متعدد اسکول عرصہ دراز سے بند ہیں۔