آرمی چیف سے سعودی وفد کی ملاقات،باہمی تعاون مضبوط بنانے پر تبادلہ خیال

اسلام آباد(پی پی آئی)سعودی عرب کے سرمایہ کاری کے وزیر خالد بن عبدالعزیز الفیلح کے زیر قیادت ایک وفد نے بری فوج کے سربراہ جنرل سید عاصم منیر سے راولپنڈی میں ملاقات کی۔انہوں نے باہمی دلچسپی کے امور خصوصاً مختلف شعبوں میں دونوں ملکوں کے بڑھتے ہوئے برادرانہ تعاون کو مزید مضبوط کرنے پرزور دیا۔آرمی چیف نے سعودی عرب کے فرمانروا شاہ سلمان بن عبدالعزیز السعود اور شہزادہ محمد سلمان کی خصوصی حمایت اور تعاون پر ان کا شکریہ ادا کیا۔انہوں نے کہا کہ ایک بڑے کاروباری وفد کا پاکستان کا دورہ پاکستان اور سعودی عرب کے گہرے برادرانہ تعلقات کا مظہر ہے۔جنرل عاصم منیر نے وفد کو اپنے مکمل تعاون کی یقین دہانی کروائی اور امید ظاہر کی کہ دونوں ملک باہمی مفید تعاون جاری رکھیں گے۔