کراچی میں خناق کے کیسز اور اس سے بچوں کی اموات میں غیر معمولی اضافہ

کراچی(پی پی آئی)کراچی میں خناق کے کیسز اور اس سے بچوں کی اموات میں غیر معمولی اضافہ ہو رہا ہے۔محکمہ صحت کے حکام کا کہنا ہے کہ کراچی میں اب تک خناق سے 100 سے زیادہ بچے انتقال کرچکے اور خناق کی بیماری سے حفاظتی ٹیکے سے بچاو ممکن ہے۔حکام نے بتایا کہ پچھلے سال سندھ انفیکشن ڈیزیز ہسپتال میں خناق کے 140 کیس آئے جس میں سے 52 بچے انتقال کرگئے تھے۔حکام کے مطابق کراچی میں خناق کے تمام کیس سندھ انفیکشن ڈیزیز ہسپتال کو بھیجے جا رہے ہیں جبکہ انفیکشن ڈیزیز ہسپتال میں اس وقت بھی خناق بیماری کے 12 سے زائد بچے زیر علاج ہیں۔