سندھ میں کاشتکاروں کو گندم کا بیج مارکیٹ سے کم قیمت پر دینے کا فیصلہ

کراچی(پی پی آئی) محکمہ زراعت سندھ نے اعلی کوالٹی کاگندم کابیج مارکیٹ سے 300روپے کم قیمت پر دینے کا فیصلہ کرلیا، سندھ سیڈ کارپوریشن نے کاشتکاروں کیلئے اعلی کوالٹی کے گندم کے بیج بیسک کی قیمت7ہزار روپے مقرر کردی۔ ایم ڈی سندھ سیڈ کارپوریشن کا کہنا ہے کہ ہاریوں کیلئے سرٹی فائیڈسیڈگندم کے بیج کی قیمت6ہزار روپے مقرر کردی ہے،پی پی آئی کے مطابق ترجمان کا کہنا ہے کہ سندھ سیڈکارپوریشن نے مارکیٹ سے گندم کے بیج کی قیمت 300 روپے کم رکھی ہے، کسان سندھ سیڈ کارپوریشن کے گھوٹکی، سیٹھارجہ اور کوٹڈیجی کے سرکاری سینٹرز سے گندم سیڈ کا بیج خرید سکتے ہیں۔