پشاور(پی پی آئی)مشیرِ اطلاعات کے پی بیرسٹر محمد علی سیف کا کہنا ہے کہ مریم نواز کسان کارڈ کھیلنا بند کریں۔ایک بیان میں بیرسٹر سیف نے کہا ہے کہ مریم نواز کسانوں کو جواب دیں کہ ان کی گندم کیوں نہیں خریدی؟ کسانوں کو 300 ارب روپے کا ٹیکہ لگانے والوں کو اہم عہدوں پر کیوں بٹھایا ہے؟انہوں نے کہا کہ غلط پالیسیوں کے باعث کسانوں کے پاس لاکھوں ٹن گندم ویسے ہی پڑی ہے، آپ کو کے پی حکومت کا شکریہ ادا کرنا چاہیے کہ پنجاب کے کسانوں سے گندم خریدی۔بیرسٹر سیف کا کہنا ہے کہ پنجاب کے کسانوں نے پریس کانفرنس میں پنجاب حکومت کی کارکردگی عیاں کی۔ان کا یہ بھی کہنا ہے کہ مریم نواز کی پریس کانفرنس کے پی حکومت پر تنقید کے بغیر پوری کیوں نہیں ہوتی؟
Next Post
سندھ کے26 اضلاع کی خالی بلدیاتی نشستوں پر ضمنی ایکشن14نومبر کو ہونگے
Tue Oct 29 , 2024
کراچی (پی پی آئی)سندھ کے26 اضلاع کی خالی بلدیاتی نشستوں پر ضمنی ایکشن14نومبر کو ہونگے۔ ترجمان الیکشن کمیشن کے مطابق یہ نشستیں جیکب آباد، شکارپور، لاڑکانہ، قمبر شہدادکوٹ، گھوٹکی، سکھر، خیرپور، نوشہروفیروز، شہید بینظیرآباد، سانگھڑ، میرپورخاص، مٹیاری، ٹنڈو الہیار، حیدرٓباد، ٹنڈو محمد خان، ٹھٹہ، ملیر، کورنگی کراچی، کراچی ویسٹ، کراچی ساوتھ، کراچی سینٹرل اور کراچی کیماڑی میں خالی ہوئی ہیں۔