کراچی(پی پی آئی)اسٹیٹ بینک آف پاکستان نے پاکستان میں الیکٹرانک پیمنٹس کے بڑھتے رجحان کو دیکھتے ہوئے الیکٹرانک پیمنٹ کے 4 مالی اداروں کو لائسنس جاری کردیئے۔اسٹیٹ بینک کے مطابق لائسنس لینے والے ادارے چھ ماہ میں پائلٹ پراجیکٹ مکمل کریں گے۔الیکٹرانک پیمنٹس کے تین ادارے پائلٹ پراجیکٹ مکمل کرنے کے مرحلے میں ہیں جبکہ تین ٹیکنالوجی مالی فرمز کے پاس پائلٹ آپریشنز کی منظوری موجود ہے۔ پاکستان میں اس وقت چار ادارے الیکٹرانک پیمنٹس کے آپریشنز کر رہے ہیں۔اسٹیٹ بینک کے مطابق ستمبر 2024 تک ملک میں 42 لاکھ ای والٹس اکاؤنٹ کھل چکے ہیں جبکہ ای والٹس سے 46 لاکھ ادائیگی کارڈ جاری ہوچکے ہیں۔ ای والٹس کے ذریعے 232 ارب روپے کی 8 کروڑ 21 لاکھ پیمنٹس ہوچکی ہیں۔اسٹیٹ بینک آف پاکستان کے مطابق ای والٹس کے ذریعے سالانہ بنیاد پر اکاؤنٹس اور ادائیگی میں بالترتیب 163 اور 117 فیصد اضافہ ہوا ہے۔
Next Post
وزیراعظم کی ڈونلڈ ٹرمپ کو امریکی انتخابات میں کامیابی پر مبارکباد
Wed Nov 6 , 2024
اسلام آباد(پی پی آئی)وزیراعظم محمد شہباز شریف نے ڈونلڈ ٹرمپ کو دوسری مرتبہ امریکہ کا صدر منتخب ہونے پر مبارکباد دی ہے۔ریڈیو پاکستان کے مطابق انہوں نے اپنے ایکس ہینڈل پر ایک پوسٹ میں کہا کہ وہ پاک امریکہ شراکت داری کو مزید مستحکم کرنے کیلئے امریکی انتظامیہ کے ساتھ مل کر کام کرنے کے خواہشمند ہیں۔