سرکاری اسکیم کے تحت حج درخواستوں کی وصولی 18 نومبر سے شروع ہو گی

اسلام آباد(پی پی آئی) وفاقی حکومت نے حج 2025 کیلئے درخواستوں کی وصولی کی تاریخ کا اعلان کر دیا ہے۔سرکاری  اسکیم کے تحت جانیوالے عازمین سے درخواستوں کی وصولی کا آغاز 18 نومبر سے ہو گا،عازمین حج 3 دسمبر تک مقررہ بینکوں میں حج درخواستیں جمع کروا سکیں گے۔سرکاری سکیم کے تحت عازمین سے 3 اقساط میں رقم وصول کی جائے گی، حج درخواست جمع کرواتے ہوئے 2 لاکھ روپے جمع کروانا ہوں گے۔قرعہ اندازی میں نام آنے پر 10 روز کے دوران 4 لاکھ روپے کی ادائیگی کرنا ہو گی، باقی رقم 10 فروری تک لازمی جمع کروانا ہو گی، حج کیلئے مجموعی رقم 10 سے 11 لاکھ روپے کے درمیان جمع ہو گی۔