پنجاب کے عوام نے فتنہ، فساد اور انتشار مارچ کو مسترد کردیا:عظمیٰ بخاری

لاہور(پی پی آئی)صوبائی  وزیر اطلاعات عظمیٰ بخاری کا کہنا ہے کہ پنجاب کے عوام نے فتنہ، فساد اور انتشار مارچ کو مسترد کردیا ہے۔ پنجاب اور لاہور میں کہیں سے بھی لوگ باہر نہیں نکلے۔ لاہور میں نیوزکانفرنس کرتے ہوئے سے خطاب کرتے ہوئیعظیٰ بخاری کا کہنا تھا کہ فسادیوں اور بلوائیوں نے میانوالی انٹر چینج کو آگ لگائی، پولیس کارکنوں پر تشدد کیا اور پولیس کی گاڑیوں کی توڑ پھوڑ بھی کی۔ یہ سارا ڈرامہ این آر او حاصل کرنے کیلئے رچایا جا رہا ہے۔لاہور سمیت پنجاب کے تمام شہروں سے پی ٹی ا?ئی کے 80افراد کو گرفتار کیا گیا ہے۔صوبائی وزیر نے کہا کہ وزیراعلی پنجاب مریم نوازشریف لاہور کے شہریوں کی شکر گزار ہیں کہ انہوں نے کل باہر نہ نکل کر عوام دوست پالیسیوں کے منصوبوں پر کام کرنے والی وزیراعلی کو سراہا ہے۔ انہوں نے کہاکہ مریم نواز عوامی منصوبوں میں مزید تیزی لانے کیلئے پر عزم ہیں لیکن خیبر پختونخواکے وزیراعلی اپنے صوبے کے عوام کو صرف فتنہ و فسار مار چ کیلئے استعمال کر رہے ہیں۔عظمیٰ بخاری نے کہاکہ فساد مارچ کو لیڈ کرتے ہوئے بشریٰ بی بی کی اصلیت سب نے دیکھ لی ہے۔اب کوئی صحافی یا عام شخص بھی بشریٰ بی بی کو گھریلو خاتون نہیں کہہ سکتا۔