سبی میں نامعلوم افرادکی فائرنگ، ایک شخص جاں بحق

 سبی (پی پی آئی) بلوچستان میں سبی کے علاقے ٹلی روڈ کے قریب منگل کو نامعلوم حملہ آوروں کی فائرنگ سے ایک شخص جاں بحق ہوگیا۔ریسکیو ذرائع کے مطابق صوبہ بلوچستان کے علاقے سبی کے علاقے تلی روڈ کے قریب نامعلوم حملہ آوروں نے محمد بخش ہرا نامی شخص کو فائرنگ کرکے قتل کردیا۔ حملہ آور ارتکاب جرم کے بعد فرار ہونے میں کامیاب ہو گئے۔ لاش کو سول اسپتال سبی پہنچایا گیا اور بعد ازاں ضروری طبی اور قانونی ضابطے کی تکمیل کے بعد ورثاکے حوالے کر دیا گیا۔ واقعہ سے متاثرہ کے گھر میں سوگ کا ماحول ہے۔ متعلقہ حکام کی جانب سے مزید تفتیش کی جا رہی ہے۔