کراچی(پی پی آئی)حضرت سیدنا احمد الکبیر الرفاعی رض کا تین روزہ سالانہ عرس مبارک المرکز الخانقاہ الرفاعیہ پاپوش نگر کراچی میں عقیدت و احترام کے ساتھ منایا گیا جس کی صدارتمسند رفاعیہ پاکستان کے سجادہ نشین السید ابراھیم علی الحسنی الحسینی الموسوی الرفاعی نے فرمائی۔۔ عرس کی تقریبات کا آغاز ذکر الہی بطریقتہ الرفاعیہ سے کیا گیا اور معروف ثنا خوانوں نے نعت و قصیدہ خوانی کا شرف حاصل کیا۔ مولانا محمد وسیم شیخ عطاری قادری نے حضرت غوث الرفاعی کی سیرت و کرامات اور سلسلہ رفاعیہ کے خاص طریقہ ذکر راتب الرفاعیہ پر سیر حاصل روشنی ڈالی۔ تیسرے روز سلسلہ رفاعیہ کی خاص روحانی محفل راتب الرفاعیہ کا اہتمام کیا گیا جس میں سلسلہ کے خلفا و مریدین نے مخصوص انداز میں دف کے ساتھ حمد، نعت و قصیدہ خوانی کی۔ آخر میں ملک کے معروف قوالوں نے محفل سماع کی صورت صاحب عرس کی مدح خوانی کا شرف حاصل کیا۔
Next Post
کراچی میں ترقی کے صرف خواب دکھائے جا رہے ہیں:کوثر سلطانہ
Thu Dec 5 , 2024
کراچی (پی پی آئی) مہاجر اتحاد نیشنل موومنٹ کراچی کی صدر کوثر سلطانہ نے کہا ہے کہ میئر کرچی کو جو پروڈکٹ نہیں بکتی اسکا چورن بیچنے کے لئے ایمبیسیڈر بنا دیا جائے۔ کراچی میں ترقی کے صرف خواب دکھائے جا رہے ہیں۔ پانی، سڑکیں آسمان پر سے فرشتے آکر نہیں بنائیں گے۔ تبادلوں کی قیمتیں مقرر ہو رہی ہیں۔کراچی […]