بلوچستان بھر میں انسداد پولیو مہم کل شروع ہو گی، پولیو ٹیموں کو سیکیورٹی فراہم

کوئٹہ (پی پی آئی) صوبہ بھر میں انسداد پولیو مہم 16 دسمبر 2024 سے شروع ہو گی۔ کوئٹہ میں پولیو ٹیموں کے لیے حفاظتی انتظامات کو حتمی شکل دے دی گئی ہے۔ ضلعی انتظامیہ کوئٹہ کے مطابق کوئٹہ میں انسداد پولیو مہم میں 1818 میڈیکل ٹیمیں حصہ لیں گی جبکہ پولیو ٹیموں کی سیکیورٹی کے لیے 1420 سیکیورٹی اہلکار تعینات کیے گئے ہیں، فرنٹیئر کور کے اہلکار دیگر سیکیورٹی فورسز کے ساتھ مل کر مختلف یونین کونسلوں میں پیٹرولنگ بھی کریں گے۔ کوئٹہ میں پولیو ٹیموں کو سیکیورٹی فراہم کی جائے گی۔ انسداد پولیو مہم 22 دسمبر کو ختم ہو گی۔