ڈاکٹر ذوالفقار بھٹہ کینیڈا کے معتبر شہری اعزاز”آفیسر آف دی آرڈر آف کینیڈا” کیلئے نامزد

کراچی(پی پی آئی) آغا خان یونیورسٹی کے انسٹیٹیوٹ فار گلوبل ہیلتھ اینڈ ڈیولپمنٹ کے بانی ڈائریکٹرڈاکٹر ذوالفقار احمد بھٹہ کو کینیڈا کے سب سے معتبر شہری اعزازات میں سے ایک، “آفیسر آف دی آرڈر آف کینیڈا” مقرر کیا گیا ہے۔ یہ اعزاز ڈاکٹر بھٹہ کی عالمی صحت کے لیے غیر معمولی خدمات کو تسلیم کرتا ہے، خاص طور پر جنوبی ایشیا، افریقہ اور دیگر محروم علاقوں میں۔ڈاکٹر بھٹہ کی انقلابی تحقیق نے بے شمار زندگیاں بہتر کی ہیں۔ ان کا کمیونٹی ہیلتھ سسٹم، جس میں پاکستان کا لیڈی ہیلتھ ورکر پروگرام بھی شامل ہے،اس اعزاز کے بارے میں بات کرتے ہوئے ڈاکٹر بھٹہ نے کہا:یہ اعزاز میرے لیے باعث فخر ہے اور میں ان تمام طلبہ اور ساتھیوں کا دل سے مشکور ہوں جنہوں نے کئی برسوں تک پاکستان اور دیگر کم آمدنی والے ممالک میں خواتین اور بچوں کے چیلنجز پر میرے ساتھ کام کیا۔ آغا خان یونیورسٹی (اے کے یو) کے انسٹیٹیوٹ فار گلوبل ہیلتھ اینڈ ڈیولپمنٹ کے اعلامیہ کے مطابق”ڈاکٹر بھٹہ آغا خان یونیورسٹی (اے کے یو) کے انسٹیٹیوٹ فار گلوبل ہیلتھ اینڈ ڈیولپمنٹ کے بانی ڈائریکٹر ہیں اور 2012 سے 2024 تک خواتین اور بچوں کی صحت کے لیے سنٹر آف ایکسیلنس کے بانی رہ چکے ہیں۔ وہ ٹورنٹو میں سِک کڈز سینٹر فار گلوبل چائلڈ ہیلتھ کے شریک ڈائریکٹر بھی ہیں۔ ان کی 1400 سے زائد تحقیقی اشاعتیں اور انہیں ایک “ہائیلی سائٹڈ ریسرچر” کے طور پر تسلیم کیا جانا ان کی تحقیق کا اعتراف ہے۔