اسلام آباد27دسمبر(پی پی آئی) وزیراعظم محمد شہباز شریف کی زیر صدارت ملک میں انسانی اسمگلنگ کے سد باب کے حوالے سے جائزہ اجلاس منعقد ہوا،اجلاس میں دسمبر 2024 میں یونان کے قریب تارکین وطن کی کشتی کو پیش آنے والے حادثے کے پیش نظر مشتاق سکھیرا کی سربراہی میں تشکیل کی گئی کمیٹی کی رپورٹ پیش کی گئی،جامع رپورٹ مرتب کرنے پروزیراعظم نے مشتاق سکھیرا کا شکریہ ادا کیا،نیز ہدایت دی کہ ایک ہفتے کے اندر انسانی ا سمگلنگ کے مکروہ دھندے میں ملوث تمام افراد کو حراست میں لیا جائے اور ان کے خلاف قانونی کارروائی کی جائے، وزیراعظم نے انسانی اسمگلنگ میں ملوث افراد کے خلاف استغاثہ کے عمل کو مزید مؤثر بنانے کی بھی ہدایت دی اور استفسار کی کہ اب تک انسانی اسمگلنگ میں ملوث افراد کے سہولت کار سرکاری افسران کے خلاف تادیبی کارروائی کیوں نہیں کی گئی؟ نیز یہ بھی کہا کہ بیرون ملک جانے والے تمام افراد کے لیے ویزا کی جانچ پڑتال اور دیگر قواعد و ضوابط کو مؤثر بنایا جائے وزیراعظم نے وزیر داخلہ کی سربراہی میں انسانی سمگلنگ کے خاتمے کے لیے پائیدار حل تلاش کرنے کے لیے کمیٹی تشکیل دینے کی ہدایت دی اجلاس میں وزیراعظم کو ملک میں انسانی اسمگلنگ کے خلاف لیے گئے اقدامات کے حوالے سے بریفنگ دی گئی اجلاس میں وفاقی وزیر برائے اقتصادی امور احد خان چیمہ، وفاقی وزیر اطلاعات و نشریات عطا اللہ تارڑ، معاون خصوصی طارق فاطمی اور متعلقہ اداروں کے اعلیٰ افسران شریک تھے
Next Post
گلگت بلتستان شدید سردی کی لپیٹ میں، اسکردو میں درجہ حرارت منفی 13 ڈگری سینٹی گریڈ ریکارڈ
Fri Dec 27 , 2024
گلگت / بلتستان 27دسمبر(پی پی آئی) گلگت، بلتستان ان دنوں شدید سردی کی لپیٹ میں ہے۔سکردو شہر میں دن کا کم سے کم درجہ حرارت منفی 13 جبکہ بالائی علاقوں میں منفی 18 ریکارڈ کیاگیا۔اس شدید ترین سردی کے باعث جہاں گھروں میں پانی کے نلکے جم گئے ہیں وہاں بلندی سے گرنے والے آبشار اور ندی نالوں کا پانی […]