کراچی: الگ الگ فائرنگ کے واقعات میں دو افراد زخمی

کراچی(پی پی آئی) اتوار کے روز کراچی کے مختلف علاقوں میں فائرنگ کے  علیحدہ ہ واقعات میں دو افراد زخمی ہو گئے۔ریسکیو ذرائع کے مطابق، 32 سالہ محمد اویس ولد محمد اشفاق کو سرجانی کے علاقے میں شمالی بائی پاس کے قریب خیر محمد گوٹھ میں فائرنگ کا نشانہ بنایا گیا۔ زخمی شخص کو فوری طور پر عباسی شہید اسپتال منتقل کر دیا گیا۔ رپورٹ کے وقت تک فائرنگ کی وجوہات کا تعین نہیں کیا جا سکا۔دوسری جانب، ایک اور شخص نے لانڈھی اسپتال چورنگی کے قریب اپنے گھر میں خود کو گولی مار کر شدید زخمی کر لیا۔ زخمی شخص کی شناخت 30 سالہ سلمان کے طور پر ہوئی ہے، جسے فوری طور پر جناح اسپتال منتقل کیا گیا۔اس واقعے کی وجہ بھی ابھی تک سامنے نہیں آئی، تاہم پولیس نے تحقیقات کا آغاز کر دیا ہے۔