کوئٹہ، 30 دسمبر (پی پی آئی) بلوچستان نیشنل پارٹی مینگل نے پی بی 45 کوئٹہ میں دوبارہ پولنگ کے دوران جمعیت علمائے اسلام (ف) کے امیدوار کی حمایت کا اعلان کردیا۔ یہ اعلان پیر کو بلوچستان نیشنل پارٹی مینگل کے مرکزی نائب صدر ساجد ترین ایڈووکیٹ نے کوئٹہ پریس کلب میں صوبائی امیر جمعیت علمائے اسلام فضل، سینیٹر مولانا عبدالواسع اور دیگر کے ہمراہ پریس کانفرنس سے خطاب کرتے ہوئے کیا۔ ترین نے کہا کہ 8 فروری کا الیکشن الیکشن کے بجائے سلیکشن تھا، جعلی اسمبلیاں بنا کر سیاسی جماعتوں کا راستہ روکا گیا، نتیجہ پورا بلوچستان جل رہا ہے۔ بلوچستان کے قیمتی وسائل کو لوٹا جا رہا ہے اس میں صوبے کی جمہوری قوتوں کا اتحاد ضروری ہے، انہوں نے کہا کہ جے یو آئی ف اور بی این پی کا رشتہ آج کا نہیں بلکہ یہ دہائیوں پر محیط ہے انہوں نے کہا کہ بی این پی مینگل فارم 47 کا راستہ روکنے کے لیے جے یو آئی (ف) کے امیدوار کے حق میں اپنا امیدوار دستبردار کرنے جارہی ہے۔اس موقع پر خطاب کرتے ہوئے امیر جمعیت علمائے اسلام (ف) سینیٹر مولانا عبدالواسع نے کہا کہ بلوچستان کے مسئلے کے حل کا واحد حل منصفانہ اور شفاف انتخابات میں ہے، انہوں نے مزید کہا کہ عوام کے منتخب نمائندوں کو مواقع فراہم کیے جائیں۔
Next Post
ملک بھر میں دھند کے باعث ٹریفک حادثات میں درجنوں افراد زخمی
Tue Dec 31 , 2024
|کراچی31دسمبر(پی پی آئی) مختلف شہروں میں دھند کے باعث ٹریفک حادثات میں درجنوں افراد زخمی ہوگئے۔ڈیرہ اسماعیل خان اور گرد و نواح میں شدید دھند کے باعث ملتان روڈ پرمختلف گاڑیاں آپس میں ٹکراگئی۔ حادثے میں 25 افراد زخمی ہوئے جن میں 4 کی حالت تشویشناک ہے۔ لیاقت پور میں مسافر بس گنے سے لوڈ ٹریکٹرٹرالی سے جاٹکرائی جس کے […]