کراچی 02جنوری(پی پی آئی)کونسل آف پاکستان نیوزپیپر ایڈیٹرز (سی پی این ای) کی پریس فریڈم اینڈ مانیٹرنگ کمیٹی نے یکم مئی 2024 سے اب تک پاکستان میں 9 صحافیوں کے قتل اور متعدد صحافیوں کی گرفتاریوں کے واقعات پر شدیدتشویش کا اظہار کرتے ہوئے اسے آزادی اظہار رائے کے آئینی حق کی سنگین خلاف ورزی قرار دیاکونسل آف پاکستان نیوز پیپر ایڈیٹرز کے جاری کردہ بیان کے مطابق پریس فریڈم اینڈ مانیٹرنگ کمیٹی کے اجلاس کی صدارت پریس فریڈم اینڈ مانیٹرنگ کمیٹی کے چیئرمین حسن عباس نے کی۔ اراکین اجلاس نے سی پی این ای اسٹینڈنگ کمیٹی سے استدعا کی کہ وہ ملک میں جاری آزادی اظہار رائے کی تشویشناک صورت حال پر ٹھوس اور جامع لائحہ عمل مرتب کرکے اپنی آواز حکومت کے ایوانوں میں پہنچائے۔ اجلاس کے شرکانے صحافی عمران ریاض کی ملک بدری سمیت مختلف صحافیوں کی گرفتاری بالخصوص مطیع اللہ جان کی گرفتاری اور ان پر بے بنیاد مقدمات درج کیے جانے پر بھی تشویش ظاہر کی۔ کمیٹی کے اراکین نے طے کیا کہ ان تمام واقعات کی تفصیلات حاصل کرکے ان کو سی پی این ای کی سالانہ پریس فریڈم اینڈمانیٹرنگ کمیٹی کی رپورٹ میں شامل کیا جائے گا۔ اجلاس میں کمیٹی کے ڈپٹی چیئرمین مقصود یوسفی، انور ساجدی، غلام نبی چانڈیو اور عارف بلوچ نے براہ راست جبکہ عامر محمود، طاہر فاروق، تنویر شوکت، ضیاتنولی اور اعتزاز حسین شاہ نے بذریعہ ویڈیو لنک شرکت کی۔
Next Post
پیپلز پارٹی سندھ نے شہید بھٹو کی سالگرہ تمام ضلعی ہیڈ کوارٹرز میں منانے کا اعلان کردیا
Thu Jan 2 , 2025
کراچی 02جنوری(پی پی آئی)پیپلز پارٹی سندھ نے شہید ذوالفقار علی بھٹو کی 5 جنوری کو 97 ویں سالگرہ سندھ بھر کے تمام ضلعی ہیڈ کوارٹرز میں منانے کا اعلان کردیا۔پیپلز پارٹی سندھ کے اعلامیہ کے مطابق پی پی پی سندھ کے صدر نثار کھوڑو نے ہدایت دی کہ پارٹی کی ضلعی تنظیمیں اپنے اپنے اضلاع میں سالگرہ تقاریب کا انعقاد […]