122 سجاول مین پرائمری اسکول اساتذہ کو پوسٹنگ آرڈرز دیے گئے

سجاول(پی پی آئی)  صوبائی وزیر لائیو اسٹاک و فشریز محمد علی ملکانی نے اتوار کو ایک تقریب میں 122 پرائمری اسکول اساتذہ کو پوسٹنگ آرڈرز دیے,جو آئی بی اے ٹیسٹ میں کامیاب ہوئے تھے۔یہ تقریب گورنمنٹ ڈگری کالج سجاول میں منعقد ہوئی، جس میں ایم پی اے ریحانہ لغاری، ایم پی اے ہیر سوہو، پیپلز پارٹی کی لیڈی ونگ کی ضلعی صدر فردوس عزیز میربحر اور ڈپٹی کمشنر زاہد حسین رند سمیت دیگر افراد نے شرکت کی۔اپنے خطاب میں وزیر محمد علی ملکانی نے کہا کہ اساتذہ علم کے منبع ہیں اور قوموں کی ترقی میں ان کا کردار بہت اہمیت رکھتا ہے۔ انہوں نے کہااگر اساتذہ محنت اور لگن سے تعلیم دیں گے تو ہماری آئندہ نسل ایک مضبوط قوم بن کر اپنے ملک کی ترقی اور خوشحالی میں مؤثر کردار ادا کر سکتی ہے۔وزیر نے یہ بھی کہا کہ پاکستان پیپلز پارٹی نوجوانوں کو روزگار فراہم کرنے اور تعلیم کے فروغ کے لیے مؤثر اقدامات کر رہی ہے۔ انہوں نے یقین دہانی کرائی کہ اب کسی کو سفارش یا رشوت کے ذریعے نوکری پر نہیں رکھا جائے گا، صرف اہل اور لائق امیدواروں کو ہی نوکریاں دی جائیں گی۔