خضدار کے کوشکنال روڈ سے ایک شخص کی 3 دن پرانی لاش برآمد

خضدار، 07 جنوری (پی پی آئی) صوبہ بلوچستان کے علاقے خضدار کے علاقے کوشکنال روڈ پر رہائشی کوارٹر سے منگل کو ایک شخص کی تین دن پرانی لاش ملی ہے۔ خضدار پولیس کے مطابق خضدار کے علاقے کوشکنال روڈ پر رہائشی کوارٹر سے ریاض احمد 40 سالہ ریاض احمد ولد میر علی محمدحسنی سکنہ مسکے کی لاش ملی۔ سٹیشن ہاؤس آفیسر تھانہ سٹی خضدار بہاول خان پندرانی نے بتایا کہ متوفی جو کہ رہائشی کوارٹر میں اکیلا رہتا تھا تین روز قبل کرنٹ لگنے سے جاں بحق ہو گیا تھا۔ لاش کو خضدار اسپتال منتقل کیا گیا اور بعد ازاں ضروری طبی اور قانونی ضابطے کی تکمیل کے بعد ورثاکے حوالے کر دیا گیا۔ تھانہ سٹی خضدار کے حکام مزید تفتیش کر رہے ہیں۔