اسلام آباد 7 جنوری(پی پی آئی) وزیراعظم محمد شہباز شریف نے کہا ہے کہ متحدہ عرب امارات نے پاکستان کے ذمے رواں ماہ میں واجب الادا دو ارب ڈالر کی ادائیگی میں توسیع کرنے کا فیصلہ کیا ہے۔منگل کو اسلام آباد میں وفاقی کابینہ کے اجلاس کی صدارت کرتے ہوئے انہوں نے بتایا کہ متحدہ عرب امارات کے صدر محمد بن زاید النہیان نے رحیم یار خان میں بالمشافہ ملاقات کے دوران بخوشی ان کو اس فیصلے سے آگاہ کیا۔وزیراعظم نے کہا کہ متحدہ عرب امارات کے صدر کے ساتھ ان کی ملاقات دوطرفہ تعلقات کو مستحکم بنانے اور سرمایہ کاری کو فروغ دینے پر مرکوز رہی ہے۔انہوں نے کہا کہ متحدہ عرب امارات کے صدر نے دونوں ممالک کے درمیان تاریخی برادرانہ تعلقات کا حوالہ دیتے ہوئے پاکستان میں سرمایہ کاری کرنے کے عزم کا اظہار کیا۔انہوں نے یقین دلایا کہ ان کا ملک اس سلسلے میں کوئی فروگزاشت نہیں کرے گا۔
Next Post
حکومت ملک میں کھیلوں کی بہتری کیلئے بھی کوشاں ہے،وزیراطلاعات
Tue Jan 7 , 2025
اسلام آباد7 جنوری(پی پی آئی) وفاقی وزیراطلاعات ونشریات عطااللہ تارڑنے کہا ہے کہ حکومت ملک میں کھیلوں کی بہتری کیلئے دن رات کوشاں ہے۔منگل کواسلام آباد میں میڈیا کرکٹ لیگ2025کے افتتاح کے موقع پرصحافیوں سے گفتگو میں انہوں نے ایونٹ میں شرکت کرنے والی تمام ٹیموں اور منتظمین کو مبارکباددی اور نیک خواہشات کا اظہار کیا۔انہوں نے ملک بھر میں […]