لاڑکانہ میں خواجہ معین الدین چشتی اجمیری ؒ کا عرس منایا گیا

لاڑکانہ8 جنوری(پی پی آئی) لاڑکانہ میں صوفی بزرگ حضرت خواجہ معین الدین چشتی اجمیری رحمۃ اللہ علیہ کے عرس مبارک کی محفل منعقد ہوئی، جس میں خصوصی خطاب پیر شکیل احمد کاظمی نے کیا۔ اس محفل میں شہریوں اور عقیدت مندوں کی بڑی تعداد نے شرکت کی۔ اس موقع پر محفلِ قوالی کا بھی انعقاد کیا گیا، جس میں کراچی سے آئے ہوئے قوال حافظ جگنو فرید اور ان کے ساتھیوں نے اپنی پرفارمنس سے محفل کو چار چاند لگا دیے۔ایمان افروز اور روح پرور اس محفل میں درگاہِ عالیہ مسکین پور کے گدی نشین سید تقی شاہ، مولانا عبدالکریم بگھیو، ایڈووکیٹ عبدالمالک بگھیو، محمد امین بگھیو، خالد بگھیو، شہریوں اور عقیدت مندوں نے بڑی تعداد میں شرکت کی۔پروگرام کے لیے خصوصی تعاون اور انتظامات عبدالغنی بگھیو چشتی عارفی اور صوفی غوث بخش چشتی نے کیے۔ محفل کے اختتام پر حضرت خواجہ معین الدین چشتی اجمیری رحمۃ اللہ علیہ کے عرس مبارک کا لنگر بھی تقسیم کیا گیا۔..