صدر آزاد جموں و کشمیر سے چیف جسٹس آزادجموں وکشمیر ہائیکورٹ کی ملاقات

مظفر آباد09جنوری (پی پی آئی) آزاد جموں و کشمیر کے صدربیرسٹر سلطان محمود چوہدری سے چیف جسٹس آزادجموں وکشمیر ہائیکورٹ جسٹس صداقت حسین راجہ نے ایوان صدر میں تفصیلی ملاقات کی۔صدارتی سیکرٹریٹ،ایوان صدر،کشمیر ہاؤس،اسلام آبادکے مطابق اس موقع پر چیف جسٹس آزادجموں وکشمیر ہائیکورٹ جسٹس صداقت حسین راجہ نے صدر ریاست آزادجموں وکشمیر بیرسٹر سلطان محمود چوہدری کو ہائیکورٹ میں جاری مقدمات اور دیگر معاملات پر تفصیلی بریفنگ دی۔ جبکہ اس موقع پر چیف جسٹس آزادجموں وکشمیر ہائیکورٹ جسٹس صداقت حسین راجہ نے صدر آزادجموں وکشمیر بیرسٹر سلطان محمود چوہدری کو جوڈیشل کانفرنس میں شرکت کی باضابطہ دعوت دی اور اس امر کا اظہار کیا کہ تمام ججز کی خواہش ہے کہ صدر ریاست آزادجموں وکشمیر بیرسٹر سلطان محمود چوہدری جوڈیشل کانفرنس میں شرکت کریں۔صدر آزادجموں وکشمیر بیرسٹر سلطان محمود چوہدری نے جوڈیشل کانفرنس میں شرکت کی دعوت قبول کر لی۔ اس موقع پر ملاقات میں صدر آزادجموں وکشمیر بیرسٹر سلطان محمود چوہدری اور چیف جسٹس آزادجموں وکشمیر ہائیکورٹ جسٹس صداقت حسین راجہ کے درمیان باہمی دلچسپی سمیت دیگر امور پر بھی تبادلہ خیال کیا گیا۔