اسلام آباد09جنوری (پی پی آئی)صومالیہ کے سفیرشیخ نور محمد حسن نے جمعرات کو بین الاقوامی اسلامی یونیورسٹی اسلام آباد کے صدر پروفیسر ڈاکٹر احمد شجاع سید سے یونیورسٹی کے نیو کیمپس میں ملاقات کی۔ بین الاقوامی اسلامی یونیورسٹی اسلام آباد کے اعلامیہ کے مطابق ملاقات میں باہمی دلچسپی کے امور پر توجہ مرکوز کی گئی، صومالی طلباکو ایڈجسٹ کرنے اور تعلیم میں تعاون کو فروغ دینے میں بین الاقوامی اسلامی یونیورسٹی اسلام آبادکے کردار کو اجاگر کیا گیا۔سفیر نے صومالیہ میں بین الاقوامی اسلامی یونیورسٹی اسلام آبادہم شراکتوں کا اعتراف کرتے ہوئے کہا کہ بہت سے صومالی وزرااور اہم عہدوں پر فائز افراد بین الاقوامی اسلامی یونیورسٹی اسلام آبادکے فارغ التحصیل ہیں۔بین الاقوامی اسلامی یونیورسٹی اسلام آبادکے صدر نے سفیر کا خیرمقدم کرتے ہوئے کہا کہ یونیورسٹی 40 سے زائد قومیتوں کی نمائندگی کرتی ہے سفیر نے سفارتخانے کے ساتھ موجود سیکنڈ سیکرٹری محمد عبدالرحمن ہرسی کا بھی ذکر کیا کہ وہ بھیبین الاقوامی اسلامی یونیورسٹی اسلام آباد کے گریجویٹ ہیں، فریقین نے مضبوط علمی اور ثقافتی تعلقات استوار کرنے کی اہمیت پر اتفاق کیا۔
Next Post
پاک بحریہ کے ریئر ایڈمرل محمد سلیم کی وائس ایڈمرل کے عہدے پر ترقی
Thu Jan 9 , 2025
اسلام آباد09جنوری (پی پی آئی)ریئر ایڈمرل محمد سلیم کو وائس ایڈمرل کے عہدے پر ترقی دے دی گئی ہے۔وائس ایڈمرل محمد سلیم نے 1991 میں پاکستان نیوی کی آپریشنز برانچ میں کمیشن حاصل کیا۔ فلیگ افسر پاکستان نیوی وار کالج لاہور اور نیشنل ڈیفنس یونیورسٹی، اسلام آباد، سے گریجویٹ ہیں۔ڈائریکٹر جنرل پبلک ریلیشنز (نیوی)کے مطابق انہوں نے نیشنل ڈیفنس یونیورسٹی […]