شکارپور شہر میں گروہی تصادم، فائرنگ سے3 افراد زخمی

شکارپور24جنوری (پی پی آئی) شکارپور شہر میں جمعہ کو اسٹورٹ گنج تھانے کی حدود میں فائرنگ کا واقعہ پیش آیا جس میں تین افراد زخمی ہوگئے۔یہاں پہنچنے والی ابتدائی اطلاعات کے مطابق شہر کا سب سے مصروف علاقہ ہاتھیڑ میں دو کھوہارو اور پنہیار برادریوں کے درمیان جھگڑا ہوا جس سے بدامنی پھیل گئی۔فائرنگ کے نتیجے میں کھوہاڑو برادری سے تعلق رکھنے والے تین افراد نیک محمد کھوہاڑو، غلام عباس کھوہاڑو اور ان کا بھائی مجاہد کھوہاڑو شدید زخمی ہوگئے۔علاقہ پولیس نے دیگر شہریوں کی مدد سے زخمیوں کو طبی امداد کے لیے سول ہسپتال شکارپور منتقل کیا۔زخمیوں میں سے ایک مجاہد احمد کھوہڑو ولد عبدالمنان کھوہڑو کو شدید زخموں کی وجہ سے سکھر ہسپتال ریفر کر دیا گیا۔ واقعے کی وجہ معلوم نہیں ہو سکی۔دیر گئے تک کوئی ایف آئی آر بھی درج نہیں ہوئی تھی۔