میرپورخاص پولیس کا کومبنگ آپریشن، مشتبہ افغان شہری گرفتار، بھارت اور افغانستان سے رابطوں کا انکشاف

میرپورخاص22جنوری (پی پی آئی) میرپورخاص پولیس نے غریب آباد تھانے کی حدود میں کومبنگ آپریشن کیا جس کے دوران ایک مشکوک افغان شہری کو گرفتار کیا گیا۔ پولیس کے مطابق گرفتار شخص کا نام نیک محمد ہے۔ گرفتار شخص کے موبائل فون سے حساس معلومات کے انکشاف کا دعویٰ کیا گیا ہے، جس میں بھارت اور افغانستان کے موبائل نمبروں سے رابطے شامل ہیں۔پولیس کے مطابق نیک محمد کے پاس کوئی شناختی دستاویز موجود نہیں تھی۔ تاہم، ایک شخص جو خود کو اس کا والد ظاہر کر رہا ہے، اس کے پاس پاکستانی شناختی کارڈ موجود ہے، جبکہ اس کے پاس افغانستان کا شناختی کارڈ بھی ہے۔مزید یہ کہ نیک محمد اردو یا کسی علاقائی زبان سے واقف نہیں ہے۔ پولیس نے دعویٰ کیا ہے کہ موبائل فون سے ملی معلومات اور دیگر شواہد کی بنیاد پر مزید تفتیش جاری ہے۔