ضیاالدین یونیورسٹی کے تحت 23 جنوری سے کراچی میں

کراچی، 22جنوری (پی پی آئی)ضیاالدین یونیورسٹی کے شعبہ فارمیسی اور فارماسیوٹیکل سائنسز تحت 23 سے 25 جنوری 2025 تک ابوالحسن جعفری آڈیٹوریم، کلفٹن کیمپس، کراچی میں بین الاقوامی کانفرنس برائے فارمیسی اور فارماسیوٹیکل سائنسز منعقد ہوگی۔ اس تقریب میں پیشہ وران اور محققین کو جمع کیا جائے گا تاکہ فارمیسی اور صحت عامہ میں ہونے والی اہم پیش رفت پر تبادلہ خیال کیا جا سکے۔ضیاالدین یونیورسٹی  کے  اعلامیہ کے مطابق، کانفرنس کا موضوع “تحقیق اور جدت کے ذریعے عالمی صحت عامہ کے مستقبل کی تشکیل” ہے، جس کا مقصد عالمی صحت عامہ کے مسائل سے نمٹنے کے لیے تعاون کو فروغ دینا اور تحقیق کی حوصلہ افزائی کرنا ہے۔ یہ کانفرنس  پائیدار صحت کے نظام کی ترقی، دواؤں کی حفاظت کے مسائل کو حل کرنے، اور مریضوں  کی صحت نتائج کو بہتر بنانے میں فارمیسی کی اہمیت کو اجاگر کرتی ہے۔کانفرنس میں دس سے زائد بین الاقوامی  اور 25  پاکستانی مقرر شامل ہوں گے۔ نمایاں کلیدی مقرر لندن اسکول آف ہائجین اینڈ ٹراپیکل میڈیسن کی ٹروڈی ہلٹن ہیں جو دواؤں کی حفاظت پر بات کریں گی، اور قطر یونیورسٹی کے ڈاکٹر ظہیرالدین بابر جو کلینیکل فارمیسی کے عملی پہلوؤں پر روشنی ڈالیں گے۔اس تقریب میں  پاکستان ڈرگ ریگولیٹری اتھارٹی (ڈریپ) کے سی ای او عاصم رؤف مہمان خصوصی اور یو اے ای کے قونصل جنرل ڈاکٹر بخیت عتیق بحیثیت اعزازی مہمان شرکت کریں گے۔اضافی طور پر، 25 محققین اپنے تحقیقی مضامین پیش کریں گے،  نیز پاکستان بھر کے شرکاکی جانب سے 50 پوسٹر پریزنٹیشنز ہوں گی۔ کانفرنس میں چھ پیشگی ورکشاپس بھی منعقد ہوں گی۔