پولیس مقابلہ اور غیر قانونی اسلحہ رکھنے پر7، 7 سال قید, 40 ہزار روپے جرمانہ

 نوشہرو فیروز 17جنوری(پی پی آئی)  ایڈیشنل سیشن جج مورو کی عدالت کے جج فائق علی پٹھان نے پولیس مقابلہ اور غیر قانونی اسلحہ رکھنے کا جرم ثابت ہونے پر ملزم عمران علی چانڈیو کو سات، سات سال قید اور 40 ہزار جرمانے کا حکم سنایا ہے، ملزم کیخلاف مورو پولیس تھانہ میں مقدمات درج تھے۔ علاوہ ازیں قومی شاہراہ پر دادو بائی پاس کے مقام پر ڈاٹسن گاڑی کی ٹکر سے راہگیر کمسن بچی انمول بنت ساجن گرگو شدید زخمی ہوگئی جسے مورو اسپتال منتقل کیا گیا اور ابتدائی امداد بعد نواب شاہ اسپتال منتقل کر دیا ہے، پولیس  نے حادثے کی تحقیقات شروع کر دی ہے۔نیزنیو جتوئی پولیس نے ایک کارروائی میں مقتول نوجوان غوث بخش برڑو کے قتل میں ملوث ملزم محمد اسماعیل میبجو کو گرفتار کرلیا ہے۔پولیس  کے مطابق ملزم نے اعتراف جرم کرلیا ہے۔