لاڑکانہ16 جنوری (پی پی آئی) ٹی ای او پرائمری منیر احمد بھٹو نے ضلع کے مختلف علاقوں میں واقع سرکاری اسکولوں کا دورہ کیا۔ دورے کے دوران ٹی ای او پرائمری نے اسکولوں میں اساتذہ کی حاضری کا جائزہ لیا اور اساتذہ کو ہدایت کی کہ وہ نہ صرف اپنی حاضری کو یقینی بنائیں۔ ٹی ای او پرائمری نے اس موقع پر کہا کہ بچوں کے تعلیمی مستقبل کو سنوارنے کے لئے اساتذہ کو وقت کی پابندی کے ساتھ اپنی موجودگی یقینی بنانی ہوگی اور جدید تدریسی طریقوں کو اپنانا ہوگا۔ سیکریٹری تعلیم کی ہدایت پر اسکولوں کے دوروں کا مقصد تعلیمی معیار کی بہتری اور اسکولوں میں نظم و ضبط کو برقرار رکھنا ہے۔ اس موقع پر مختلف اسکولوں کے اساتذہ نے بھی تعلیمی مسائل اور درپیش مشکلات سے ٹی ای او پرائمری کو آگاہ کیا، جنہیں حل کرنے کی یقین دہانی کرائی گئی۔ ای او پرائمری منیر احمد بھٹو نے اپنے دورے کے دوران والدین اور کمیونٹی کے تعاون کی اہمیت پر بھی زور دیا اور کہا کہ تعلیم کے فروغ کے لیے سب کو مل کر کردار ادا کرنا ہوگا۔ انہوں نے مزید کہا کہ انسپیکشن کا سلسلہ جاری رہے گا تاکہ سرکاری اسکولوں میں تعلیم کی بہتری کے لیے اٹھائے گئے اقدامات کے ثمرات عوام تک پہنچ سکیں.
Next Post
وزیر اعلیٰ سندھسے برطانوی ڈپٹی ہائی کمشنر کی الوداعی ملاقات
Thu Jan 16 , 2025
کراچی 16جنوری (پی پی آئی)وزیر اعلیٰ سندھ سید مراد علی شاہ سے برطانوی ڈپٹی ہائی کمشنر محترمہ سارہ مونی نے الوداعی ملاقات کی۔وزیر اعلیٰ سندھ نے سبکدوش ہونے والی برطانوی قونصل جنرل سارہ مونی کی خدمات کو سراہابرطانوی قونصل جنرل نے اپنے دور میں تعاون پر وزیر اعلیٰ سندھ کا شکریہ ادا کیا۔وزیر اعلیٰ سندھ نے کہا کہ پاکستان اور […]