موسمیاتی تبدیلی کے منفی اثرات کم کرنے کے لئے ٹھوس کوششوں کی ضرورت ہے: رومینہ خورشید عالم

اسلام آباد7فروری(پی پی آئی)وزیر اعظم کی رابطہ کار رومینہ خورشید عالم نے موسمیاتی تبدیلی کے منفی اثرات کو کم کرنے کے لئے ٹھوس کوششیں کرنے پر زور دیا ہے۔ وہ  جمعہ کے روز اسلام آباد میں ”بریتھ پاکستان کلائمیٹ چینج کانفرنس” سے خطاب کر رہی تھیں۔”رومینہ خورشید عالم نے کہا کہ پاکستان پائیدار ترقی کے اہداف کو ادارہ جاتی بنانے کے لیے جدید طریقہ کار متعارف کرا رہا ہے اور اس بات کو بھی یقینی بنا رہا ہے کہ اس کی موسمیاتی پالیسیوں کو خطے میں موثر بنایا جائے۔”ماحولیاتی استحکام کے لئے پاکستان کی طرف سے اٹھائے گئے اقدامات پر روشنی ڈالتے ہوئے انہوں نے کہا کہ “لیونگ انڈس انیشی ایٹو” کا مقصد دریاؤں کی مجموعی صحت کو بحال کرنا ہے اور “ریچارج پاکستان پروگرام” سیلاب سے لچک اور پانی کے تحفظ پر توجہ مرکوز کرتا ہے۔”انہوں نے پنجاب حکومت کے پائیدار شہری منصوبہ بندی اور خیبر پختونخوا کے جنگلات کے پروگرام کو سراہا اور ان اقدامات کو پورے ملک تک توسیع دینے کی ضرورت پر زور دیا۔”