اسلام آباد،14مارچ (پی پی آئی)وزیر اعظم کے معاون خصوصی برائے صنعت و پیداوار، ہارون اختر خان کی زیر صدارت فرٹیلائزر ریویو کمیٹی کا اجلاس منعقد ہوا، جس میں ربیع سیزن 2025 کے دوران یوریا کی طلب و رسد کی صورتحال کا تفصیلی جائزہ لیا گیا۔اجلاس میں کسانوں کو مقررہ قیمت پر کھاد کی بلاتعطل فراہمی یقینی بنانے پر زور دیا گیا۔ ہارون اختر خان نے کھاد کے پیداواری یونٹس کو مکمل صلاحیت کے ساتھ چلانے کی ہدایت کی تاکہ کسانوں کی ضروریات کو پورا کیا جا سکے۔ہارون اختر خان نے اجلاس میں کہا کہ کھاد پاکستان کے زرعی شعبے کے لیے انتہائی اہمیت کی حامل ہے۔ انہوں نے وزیر اعظم کے وژن کے مطابق صنعتوں کی بھرپور معاونت اور قیمتوں میں یکسانیت یقینی بنانے کے عزم کا اعادہ کیا۔اجلاس میں زرعی شعبے کی ترقی کے لئے کھاد کی مسلسل فراہمی کو اہم قرار دیا گیا اور اس ضمن میں اقدامات کو یقینی بنانے کے لیے ہدایات جاری کی گئیں۔
Next Post
سانحہ جعفر ایکسپریس پرروسی صدرکی پاکستانی قیادت سے تعزیت، وحشیانہ اور مذموم جرم کی مذمت
Fri Mar 14 , 2025
ماسکو/اسلام آباد،14مارچ (پی پی آئی)روسی صدر ولادیمیر پیوٹن نے صدر آصف علی زرداری اور وزیر اعظم شہباز شریف سے بلوچستان میں مسافر ٹرین پر دہشت گرد حملے کے واقعہ پر تعزیت کا اظہار کیا ہے۔صدر اور وزیراعظم کے نام اپنے تعزیتی پیغام میں روسی صدر نے کہا کہ ہم اس […]