کوئٹہ، پشاور اور کوئٹہ، کراچی روٹ پر ریل سروس چھٹے روز بھی معطل

کوئٹہ، 17 مارچ 2025 (پی پی آئی) کوئٹہ سے پشاور اور کوئٹہ سے کراچی تک ریل سروس چھٹے روز بھی معطل رہی۔ پیر کو ریلوے حکام کے مطابق پاک ریلوے کے اعلیٰ حکام نے ضروری مرمت کے لیے جعفر ایکسپریس کے خراب انجن اور بوگوں کو لاہور منتقل کرنے کا فیصلہ کیا ہے۔ریلوے حکام نے مزید بتایا کہ مشکاف اور گردونواح میں ریلوے ٹریک کو کلیئر کر دیا گیا ہے۔ ریڑھیوں کو ہٹانے کے بعد ٹریک پر کام شروع کر دیا گیا ہے۔ریلوے ٹریک اگلے تین دنوں میں آپریشن کے لیے تیار ہو جائے گا۔ مرمت کا کام مکمل ہونے اور سکیورٹی کلیئرنس ملنے کے بعد ریلوے کا آپریشن دوبارہ شروع ہو جائے گا۔