جعفر ایکسپریس ٹریک کی بحالی کے بعد آپریشنز دوبارہ شروع کرے گی

اسلام آباد (پی پی آئی) جعفر ایکسپریس آج سے دوبارہ اپنی سروس بحال کرے گی، جو حالیہ حملے میں ریلوے ٹریک کو نقصان پہنچنے کے باعث معطل کر دی گئی تھی۔وفاقی وزیر برائے ریلوے محمد حنیف عباسی نے تصدیق کی ہے کہ ٹریک مکمل طور پر بحال کر دیا گیا ہے۔پارلیمنٹ ہاؤس کے باہر گفتگو کرتے ہوئے، انہوں نے اعلان کیا کہ بلوچستان میں ٹرین آپریشنز کی نگرانی کے لیے ڈرون سرویلنس متعارف کرائی جائے گی۔انہوں نے مزید بتایا کہ ملک بھر میں ریلوے اسٹیشنوں اور دیگر حساس مقامات پر سیکیورٹی اقدامات کو مضبوط بنانے کے لیے سی سی ٹی وی کیمرے نصب کیے جا رہے ہیں۔