اجتماعی شادی کی تقریب میں 50 جوڑوں کی شرکت

اوکاڑہ،  25 اپریل  (پی پی آئی) وزیراعلیٰ پنجاب کے دھی رانی پروگرام کے تحت اوکاڑہ میں جمعہ کے روز 50 جوڑوں کی اجتماعی شادی کی تقریب منعقد کی گئی۔ پاک میرج ہال فیصل آباد روڈ پر ہونے والی اس تقریب میں صوبائی وزیر محکمہ ایجوکیشن رانا سکندر حیات نے بطور مہمان خصوصی شرکت کی۔یہ تقریب صبح 10 بجے شروع ہوئی جس میں شرکت کرنے والے جوڑوں کے لیے تمام انتظامات حکومت پنجاب کی طرف سے کیے گئے تھے۔ تقریب کا مقصد مالی طور پر کمزور خاندانوں کی امداد کرنا تھا تاکہ وہ اپنی بیٹیوں کی شادی کا فریضہ آسانی سے سر انجام دے سکیں۔تقریب کے دوران مہمان خصوصی رانا سکندر حیات نے خطاب کرتے ہوئے کہا کہ حکومت پنجاب معاشرتی فلاح و بہبود کے لیے ایسے منصوبے جاری رکھے گی۔ انہوں نے کہا کہ دھی رانی پروگرام کا مقصد غریب خاندانوں کو شادی کے اخراجات سے نجات دلانا ہے۔تقریب میں موجود جوڑوں نے حکومت پنجاب کے اس اقدام کو سراہتے ہوئے شکریہ ادا کیا اور کہا کہ اس پروگرام نے ان کے مالی بوجھ کو کم کیا ہے۔تقریب کے اختتام پر مہمان خصوصی نے جوڑوں کو تحائف بھی پیش کیے۔ تقریب میں مختلف مکاتب فکر کے افراد نے بھی شرکت کی۔