گورنر سندھ کا استنبول میں پرتپاک استقبال

استنبول، 28 اپریل (پی پی آ ئی)گورنر سندھ کامران خان ٹیسوری کے استنبول پہنچنے پر پاکستانی سفارتی عملے نے ان کا پرتپاک خیر مقدم کیا۔ سفیر ڈاکٹر یوسف جنید، قونصل جنرل نعمان اسلم، اور نائب قونصل جنرل مصور عباس شاہ نے ہوائی اڈے پر گورنر سندھ کا استقبال کیا۔گورنر سندھ کامران ٹیسوری استنبول کے دورے کے دوران اوور سیز پاکستانیوں سے ملاقات کریں گے۔ اس ملاقات میں وہ پاکستان میں سرمایہ کاری سمیت اہم امور پر گفتگو کریں گے۔گورنر سندھ استحکام پاکستان کے عنوان سے منعقدہ تقریب میں بھی شرکت کریں گے، جہاں وہ پاکستان کی اقتصادی استحکام اور ترقی کے حوالے سے اپنے خیالات کا اظہار کریں گے۔