ٹھٹھہ میونسپل کمیٹی کی نااہلی کے باعث شہریوں کو صاف پانی کے حصول میں مشکلات

ٹھٹھہ، 10 مئی (پی پی آئی)  ٹھٹھہ شہر میں میونسپل کمیٹی کی ناکامی کے باعث شہریوں کو صاف پانی کی فراہمی میں مشکلات کا سامنا ہے۔ واٹر سپلائی کے ذریعے ٹھٹھہ کے رہائشیوں کو گٹر کا آلودہ پانی فراہم کیا جا رہا ہے، جس کے نتیجے میں شہری مختلف بیماریوں کا شکار ہو رہے ہیں۔شہریوں کا کہنا ہے کہ اس مسئلے کے باوجود میونسپل کمیونٹی کوئی ٹھوس اقدامات نہیں کر رہی۔ صاف پانی کی عدم دستیابی کے باعث عوام میں بے چینی پائی جاتی ہے۔ڈی سی ٹھٹھہ سے مطالبہ کیا جا رہا ہے کہ وہ فوری طور پر اس مسئلے کا نوٹس لیں اور شہریوں کو جلد از جلد صاف پانی کی فراہمی یقینی بنائیں۔ عوامی حلقوں کی جانب سے فوری ایکشن کی اپیل کی جا رہی ہے تاکہ شہریوں کو صحت کے مسائل سے بچایا جا سکے۔