صدر زرداری کا بھارتی جارحیت میں شہید جوانوں کو خراج عقیدت

اسلام آباد، 14مئی (پی پی آئی)صدر آصف علی زرداری نے بھارتی جارحیت کے نتیجے میں پاک مسلح افواج کے دو جوانوں کی شہادت پر اظہار افسوس کرتے ہوئے خراج عقیدت پیش کیا۔ انہوں نے حوالدار محمد نوید شہزاد اور سینئر ٹیکنیشن محمد ایاز کی خدمات کو سراہا۔صدر مملکت نے کہا کہ شہداء ہمارا قومی اثاثہ ہیں اور ان کی قربانیوں کو فراموش نہیں کیا جا سکتا۔ انہوں نے مزید کہا کہ قوم اپنے شہداء اور ان کے اہل خانہ کی احسان مند رہے گی۔صدر زرداری نے شہداء کے درجات کی بلندی اور اہل خانہ کے لیے صبر جمیل کی دعا بھی کی۔ ایوان صدر کے پریس ونگ کی جانب سے جاری بیان میں صدر نے شہداء کی عظیم قربانی کو یاد کرتے ہوئے ان کی وطن کیلئے خدمات کی تعریف کی۔