کراچی، 03 جون (پی پی آئی) ایم کیو ایم پاکستان کے مرکز بہادرآباد میں تنظیمی ذمہ داران کا اہم اجلاس منعقد ہوا۔ اجلاس میں سینئر رہنما ڈاکٹر فاروق ستار، امین الحق اور سی او سی انچارج فرقان اطیب نے شرکت کی۔ اجلاس میں کراچی کے مختلف ٹاؤنز کے ذمہ داران بھی شامل تھے۔
ڈاکٹر فاروق ستار نے کہا کہ عوام کے اندر پائی جانے والی بے چینی اور محرومی کا ازالہ صرف ایم کیو ایم پاکستان ہی کرسکتی ہے۔ انہوں نے اعلان کیا کہ آئندہ ماہ سے ایم کیو ایم شہر میں وفاقی پیکج سے ترقیاتی کاموں کا آغاز کرے گی۔
ڈاکٹر فاروق ستار نے مزید بتایا کہ ایم کیو ایم وفاقی حکومت سے شہری سندھ کے لوگوں کے لئے ملازمتیں حاصل کرنے کی کوشش میں ہے۔ انہوں نے کہا کہ ایم کیو ایم کی تنظیمی ساخت کو مضبوط اور مربوط بنانا وقت کی اہم ضرورت ہے۔
اجلاس میں ڈاکٹر فاروق ستار نے کارکنان کو ہدایت دی کہ وہ عوامی سطح پر رابطہ مہم کو تیز کرتے ہوئے شہریوں کے مسائل کو ترجیحی بنیادوں پر حل کرنے کی کوشش کریں۔