اداروں کو عوام کے حقوق ماننا ہوں گے اس معاملے کا حل ہونا ضروری ہے: فواد چوہدری پاکستان میں کس سے بات کریں، نریندر مودی کی بات کا ہمارے پاس کوئی جواب نہیں ہوتا

اسلام آ باد(پی پی آ ئی)پی ٹی آئی رہنما فواد چوہدری نے کہا کہ اداروں کو عوام کے حقوق ماننا ہوں گے اس معاملے کا حل ہونا ضروری ہے، عوام یہ تسلیم نہیں کرے گی کہ ایک گروہ قانون سے بالاتر رہے۔اپنے ٹو ئٹر پیغام میں پی ٹی آئی رہنما فواد چوہدری نے کہا کہ ’پاکستان میں فوج ایک مسلمہ طاقت ہے لیکن عوام اب عمران خان کی قیادت میں ایک منظم قوت ہیں، اداروں کو عوام کے حقوق ماننا ہوں گے اس معاملے کا حل ہونا ضروری ہے، عوام یہ تسلیم نہیں کرے گی کہ ایک گروہ قانون سے بالاتر رہے۔ ارشد شریف، اعظم سواتی اور وزیر آباد حملہ ان معاملات میں انصاف ہو گا۔انہوں نے کہا کہ ’وزیر آباد سانحہ کا پرچہ درج نہیں ہو سکا کیونکہ ملک میں رول آف لا نہیں۔ طاقتور گروہ ملک کے سیاسی اور عدالتی نظام کو یرغمال بنائے ہوئے ہے۔ اس لیے جب نریندر مودی پاکستان کے لیے کہتا ہے کہ ہمیں سمجھ نہیں آتی بات کس سے کرنی ہے تو ہمارے پاس کوئی جواب نہیں ہوتا۔