مقبوضہ کشمیر کے عوام کی سیدعلی گیلانی کی حیدر پورہ کی رہائش گاہ سے جذباتی لگاؤ ہے:دیویندر سنگھ بہل

سری نگر(پی پی آ ئی) بھارت کے زیر قبضہ جموں و کشمیرمیں کل جماعتی حریت کانفرنس کے رہنما ایڈوکیٹ دیویندر سنگھ بہل نے جموں میں ایک بیان میں کہا ہے کہ مقبوضہ جموں و کشمیر کے عوام کی سیدعلی گیلانی کی حیدر پورہ کی رہائش گاہ سے جذباتی لگاؤ ہے جہاں قائد حریت کو قابض انتظامیہ نے ایک دہائی سے زائد عرصے تک گھر میں نظر بند رکھا اورانکا وہیں انتقال ہوا۔ کشمیر میڈیا کے مطابق دیویندر سنگھ بہل نے کہا کہ سید علی گیلانی تحریک آزادی کشمیر کے سب سے مقبول اور پرعزم رہنما تھے اور انہوں نے کشمیری عوام کے حق خودارادیت کی بھرپور حمایت کی۔ دیویندر سنگھ بہل نے واضح کیا کہ اس طرح کے ہتھکنڈوں سے کشمیری عوام کے جذبہ حریت کو کمزور نہیں کیاجاسکتا ہے۔