شہر قائد میں سبزیوں، پھلوں کے من مانے نرخ، دودھ، دہی بھی مہنگا مارکیٹ میں موجود دکانوں پرآویزاں سرکاری نرخنامہ کو مکمل طور پر نظر انداز

کراچی (پی پی آئی)شہر قائد میں ایک بار پھر مہنگائی کے طوفان میں شدت آنے لگی  ہے سبزیوں، پھلوں سمیت دودھ، دہی،چینی،گھی،چاول سمیت دیگر اشیاء  ضروریہ کی قیمتیں آسمان سے باتیں کرنے لگی ہیں پی پی آئی کے مطابق شہر میں لگنے والے بچت بازاروں میں بھی ناقص پھل اورباسی سبزیاں فروخت کی جارہی ہیں۔ مارکیٹ میں موجود دکانوں پرنرخنامہ کو مکمل طور پر نظر انداز کر کے اپنی مرضی کی قیمتوں پر پھل اور سبزیاں فروخت کی جا تی ہیں شہرکی مارکیٹوں اور بازاروں میں کوئی بھی سبزی یا پھل سرکاری نرخوں پر فروخت نہیں ہو رہا تھا۔