مچھر کالونی میں ہجوم کے ہاتھوں 2 افراد کے قتل میں ملوث ایک اور ملزم گرفتار، 33 گرفتار ملزمان میں سے20 کی شناخت

کراچی (پی پی آئی)مچھر کالونی میں ہجوم کے ہاتھوں دو افراد کے قتل معاملے کی تفتیش جاری ہے۔ حکام نے ایف آئی آر میں نامزد ایک اور ملزم کو گرفتار کرلیا ہے۔گرفتار ملزم کی شناخت محمد حسین کے نام سے ہوئی ہے۔ پی پی آئی کے مطابق اب تک 33 ملزمان کو گرفتار کیا جاچکا ہے۔ حکام کے مطابق 20 ملزمان کی شناخت کرلی گئی ہے۔واقعہ 28 اکتوبر کو پیش آیا تھا۔ مچھر کالونی واقعے میں ہجوم نے ٹیلی کام کمپنی کے دو ملازمین کو اغوا کار سمجھ کر قتل کردیا تھا۔ پولیس کا کہنا ہے کہ واقعے میں ملوث تمام ملزمان کو گرفتار کیا جائے گا۔