چیئرمین سینیٹ صادق سنجرانی سے استعفیٰ کا مطالبہ، نہیں دیا تو عدم اعتماد کی تحریک لائینگے:پی ٹی آئی سینیٹرز

اسلام آباد (پی پی آئی)پاکستان تحریک انصاف نے چیئرمین سینیٹ صادق سنجرانی سے استعفیٰ کا مطالبہ کر دیا،استعفیٰ نہیں دیا تو عدم اعتماد کی تحریک لائی جائے گی۔ ذرائع کاکہناہے کہ پی ٹی آئی سینیٹرز کی صادق سنجرانی سے استعفیٰ دینے پر مشاورت ختم ہوگئی،ذرائع کے مطابق مشاورتی اجلاس میں چیئرمین سینیٹ صادق سنجرانی کو استعفیٰ دینے پر زور دیاگیا،ذرائع کاکہناہے کہ استعفیٰ نہیں دیا تو عدم اعتماد کی تحریک لائی جائے گی۔ذرائع نے مزید کہاکہ چیئرمین سینیٹ صادق سنجرانی کی صدر عارف علوی سے بھی ملاقات ہوئی،اس ملاقات میں صادق سنجرانی سے استعفیٰ دینے پر زور دیاگیاہے،پی پی آئی کے مطابق ذرائع کاکہناہے کہ پی ٹی آئی صادق سنجرانی کے سینیٹ میں کردار سے خوش نہیں۔