گوادر میں ہزاروں افراد حکومت کے خلاف سڑکوں پرنکل آئے مظاہرین نے گوادر بندرگاہ جانے والی قومی شاہراہ بند کرکے دھرنا دے دیا مطالبات منظور نہ کیے گئے تو بندرگاہ کی بندش کے سواکوئی اور چارہ نہ ہوگا

گوادر (پی پی آئی)بلوچستان کے ساحلی علاقوں کے عوام کے مطالبات حل نہ ہوسکے۔ حق دو تحریک کی کال پر ایک بار پھر ہزاروں افراد حکومت کے خلاف گوادر میں سڑکوں پرنکلآئے۔ پی پی آئی کے مطابق مظاہرین نے گوادر بندرگاہ جانے والی قومی شاہراہبند کرکے دھرنا دے دیا ہے۔ مظاہرین کہتے ہیں ترقی کے دعویدارحکمران بلوچستان میں زمینی حقائق پر توجہ دینے کے بجائے، مبینہ ذاتی مفادات اورغیرملکی کمپنیوں کے مالی فوائد کے لیے اقدامات کررہے ہیں۔ گوایکسپریس وے پر سراپا احتجاج سماجی رہنما 37 سالہ مہوش بلوچ نے کہا کہ”ہمیشہ یہی کہا جاتا ہے کہ بلوچستان پاکستان کی ترقی کا محور ہے۔ اسلام آباد کی ایما پر بننے والی ہر پالیسی صوبے کے عوام کو مزید پسماندگی کی جانب دھکیل رہی ہے۔۔“مہوش بلوچ کا کہنا تھا کہ حکمران طبقے نے اگر ساحلی علاقوں کے عوام کے مطالبات منظور نہ کیے تو ان کے پاس گوادر بندگاہ کی بندش کے علاوہ دوسرا کوئی چارہ نہیں ہے۔گوادر میں جاری احتجاجی تحریک کی قیادت جماعت اسلامی کے رہنما مولانا ہدایت الرحمن بلوچ کر رہے ہیں۔