چیئرمین جوائنٹ چیفس آف سٹاف کمیٹی آرمی چیف کی تقرری کی سمری موصول ہو گئی، وزیراعظم آفس کی تصدیق

اسلام آباد(پی پی آئی)وزیراعظم آفس نے تصدیق کی ہے کہ چیئرمین جوائنٹ چیفس آف سٹاف کمیٹی اورآرمی چیف کی تقرری کی سمری موصول ہو گئی۔سماجی رابطے کی ویب سائٹ ٹوئٹر پر وزیراعظم ہاؤس نے تصدیق کرتے ہوئے کہاہے کہ چیئرمین جوائنٹ چیفس آف سٹاف کمیٹی اورآرمی چیف کی تقرری کی سمری موصول ہو گئی ہے۔وزارت دفاع کی طرف سے سمری وزیرراعظم آفس بھیجی گئی،وزیراعظم آفس کاکہناہے کہ وزیراعظم طے شدہ طریقہ کار کے مطابق تقرریوں کافیصلہ کریں گے۔دوسری جانب وزیراطلاعات و نشریات مریم اورنگزیب نے کہاہے کہ وزارت دفاع کی طرف سے بھجوائی گئی سمری وزیراعظم آفس کو موصول ہو گئی،سمری میں چیئرمین جوائنٹ چیفس آف سٹاف کمیٹی، آرمی چیف کی تقرری کیلئے ناموں کا پینل بھجوایا گیاہے، ان کاکہناہے کہ وزیراعظم متعین طریقہ کار کے مطابق تعیناتیوں سے متعلق فیصلہ کریں گے۔