کراچی کی سڑکوں پربسوں کی کمی اورخستہ حالی کا معاملہ سندھ ہائیکورٹ میں چیلنج عدالت عالیہ نے سیکرٹری ٹرانسپورٹ، سندھ حکومت اور دیگر سے رپورٹ طلب کرلی ضرورت سے زیادہ مسافروں کو سوار کرنے کے باعث کوئی بھی حادثہ پیش آسکتا ہے

کراچی (پی پی آئی)کراچی کی سڑکوں پربسوں کی کمی اورخستہ حالی کا معاملہ سندھ ہائیکورٹ میں چیلنج کردیا گیا۔عدالت عالیہ نے سیکرٹری ٹرانسپورٹ، سندھ حکومت اور دیگر سے رپورٹ طلب کرتے ہوئے فریقین کو 8 دسمبرکوتحریری جواب جمع کرانے کا حکم دے دیا۔جسٹس ندیم اختر نے ریمارکس دیئے کہ جواب جمع کرانے میں کونسا قانونی مسئلہ درپیش ہے؟ کونسی راکٹ سائنس ہے جوجواب جمع کرانے میں روکاوٹ پیدا کررہی ہے۔پی پی آئی کے مطابق سرکاری وکیل نے کہا کہ جواب جمع کرانے کے لیے مہلت دی جائے۔ایازانصاری ایڈووکیٹ کا کہنا تھا کہ کراچی میں پبلک ٹرانسپورٹ کی شدید کمی ہے، ان کا موقف تھا کہ جو بسیں سڑکوں پرچل رہی ہیں انتہائی خستہ حال ہیں۔پی پی آئی کے مطابق درخواست گزار ایازانصاری ایڈووکیٹ نے کہا کہ کھٹارا بسوں سے آئے روزحادثات رونما ہوتے ہیں ساتھ ہی استدعا کی کہ سندھ حکومت کومعیاری پبلک ٹرانسپورٹ چلانے کا حکم دیا جائے۔