سینٹو رس مال سیاسی بنیاد پر سیل کیا گیا: فواد چوہدری کا الزم

اسلام آ باد(پی پی آ ئی) پی ٹی آئی رہنما فواد چوہدری نے حکو مت پر الزم لگاتے ہو ئے کہا ہے کہ سینٹو رس مال سیاسی بنیاد پر سیل کیا گیا۔ اپنے ٹو ئٹر پیغام میں فواد چوہدری نے کہا ہے کہ وزیر اعظم آزاد کشمیر،شہباز شریف کی تقریر کے دوران اپنی نشست پر کھڑے ہوئے اور کشمیر پر پاکستان کے کمزور مؤقف پر احتجاج ریکارڈ کروایا، اس تقریب کے بعد پہلے منگلہ میں ان کی گاڑی کو روکا گیا آج اسلام آباد میں ان کے کاروبار سینٹو رس مال کو سیل کر دیا گیا ہے۔انہوں نے کہا کہ ایسی فاشسٹ اورغیرجمہوری حکومت پاکستان کی تاریخ میں نہیں آئی،اگر صرف احتجاج پر کشمیر کے وزیر اعظم سے ایسی حرکتیں ہوں گی تو مقبوضہ کشمیر کو آپ کیا پیغام دے رہے ہیں اس ملک میں سرمایہ کار کو آپ کیا پیغام دے رہے ہیں؟ سسکتی معیشت ایسی حرکتوں سے مزید نیچے جائیگی،ملک میں جمہوریت بحال کریں۔